Haryana:హర్యానా ఎన్నికల్లో బీజేపీ పాత్ర ఎంతో కీలకంగా ఉంటుంది. 2014 నుండి హర్యానా రాష్ట్రంలో బీజేపీ సారథ్యంలో ప్రభుత్వం కొనసాగుతుండటంతో, భాజపా ఇప్పటికీ తన పట్టును నిలబెట్టుకునేందుకు కృషి చేస్తోంది. 2019 అసెంబ్లీ ఎన్నికల్లో బీజేపీ పెద్దగా మెజారిటీ సాధించకపోయినా, జేజేపీ (జననాయక్ జనతా పార్టీ) తో జత కట్టి ప్రభుత్వం ఏర్పాటు చేసింది. ఈ నేపథ్యంలో,ఈ ఎన్నికలలో బీజేపీ వ్యూహాత్మకంగా ముందుకు సాగాలని చూస్తోంది.
మోదీ పాపులారిటీ:
ప్రధాని నరేంద్ర మోదీ పాపులారిటీని ముందుకు తెచ్చి, కేంద్రంలో బీజేపీ ప్రభుత్వం చేపట్టిన అభివృద్ధి కార్యక్రమాలు, పథకాలను రాష్ట్రంలో ప్రచారం చేయాలని బీజేపీ భావిస్తోంది.
కిసాన్ అజెండా:
రైతుల సమస్యలు, ముఖ్యంగా 2021లో జరిగిన రైతుల ఉద్యమం హర్యానాలో భాజపాకు ప్రతికూల ప్రభావం చూపింది. దీన్ని అధిగమించేందుకు బీజేపీ కిసాన్ సంక్షేమ పథకాలు, సబ్సిడీలు, రైతులకు సహాయం వంటి అంశాలను ప్రచారంలో ముందుకు తెచ్చే అవకాశం ఉంది.
రాజకీయ జతలు:
ఈ సారి బీజేపీ ఒకటే బరిలోకి దిగింది.ఎలాంటి రాజకీయ పొత్తులు లేకుండా ఎన్నికల్లో దిగిన పార్టీలు బీజేపీ మరియు కాంగ్రెస్ మాత్రమే చూడాలి ఎవరి క్యాలుక్యులేషన్ నిలబడుతుందో.
ఓబీసీ, దళిత ఓట్లు:
బీజేపీ ఈ సారి ఇతర సామాజిక వర్గాల పై మరింతగా దృష్టి అవకాశం ఉంది. ముఖ్యంగా ఓబీసీ (ఆదివాసి మరియు వెనుకబడిన కులాలు) మరియు దళిత వర్గాల ఓట్లను ఆకర్షించేందుకు ప్రత్యేక ప్రచారం చేసే అవకాశం ఉంది.
బీజేపీ మ్యానిపెస్టో:
లాడో లక్ష్మి యోజన కింద ప్రతి మహిళకు 2100
యువతకు రెండు లక్షల ఉద్యోగాలు
హర్యానాకు చెందిన ప్రతి అగ్ని వీరుకు గవర్నమెంట్ ఉద్యోగం
500 కు వంట గ్యాస్
ఇండస్ట్రియల్ మోడల్ టౌన్‌షిప్ ఖర్ఖోడా తరహాలో 10 పారిశ్రామిక నగరాల అభివృద్ధి
ప్రభుత్య మెడికల్,ఇంజినీరింగ్ కళాశాలల్లో ఎస్సీ, ఓబీసీ విద్యార్థులకు స్కాలర్‌షిప్‌లు
24 పంటలకు కనీస మద్దతు ధర
పట్టణ,గ్రామీణ ప్రాంతాలకు 5 లక్షల హౌసెస్
చిరాయు హర్యానా పథకం కింద ₹10 లక్షల వరకు ఉచిత వైద్య చికిత్స ప్రభుత్వ ఆసుపత్రుల్లో ఉచిత డయాలసిస్, డయాగ్నస్టిక్ సేవలు
అన్ని జిల్లాల్లో ఒలంపిక్ నర్సరీలు
కాలేజీ పిల్లలకు స్కూటీలు
రైల్వే కారిడార్ల నిర్మాణం మరియు కొత్త వందే భారత్ రైళ్లను ప్రవేశపెట్టడం
మొత్తం మీద, హర్యానా ఎన్నికల్లో బీజేపీ ముఖ్యంగా క్రమపద్ధతిలో వ్యూహాలు, అభివృద్ధి పనులు, సామాజిక వర్గాల రాజకీయాలు, మరియు ప్రాంతీయ రాజకీయ సమీకరణాలపై ఆధారపడి తన విజయాన్ని సాధించాలని చూస్తోంది.
